{"id":6573,"date":"2012-06-25T10:21:56","date_gmt":"2012-06-25T10:21:56","guid":{"rendered":""},"modified":"2012-06-25T10:21:56","modified_gmt":"2012-06-25T10:21:56","slug":"partite-1-milion-usd-per-lobim-video","status":"publish","type":"post","link":"https:\/\/ndiqparate.al\/?p=6573","title":{"rendered":"Partit\u00eb, 1 milion USD p\u00ebr lobim (Video)"},"content":{"rendered":"\n
P\u00ebr her\u00eb t\u00eb par\u00eb zbulohen nj\u00eb s\u00ebr\u00eb faktesh, se ku i kan\u00eb shpenzuar m\u00eb shum\u00eb se 1 milion dollar\u00eb p\u00ebr lobim, n\u00eb Shtetet e Bashkuara t\u00eb Amerik\u00ebs gjat\u00eb periudh\u00ebs 2009-2010, Partia Demokratike, Partia Socialiste, L\u00ebvizja Socialiste p\u00ebr Integrim dhe Qeveria. <\/p>\n

Bazuar n\u00eb rezultatet e investigimit t\u00eb dy organizatave jo qeveritare n\u00eb SHBA, projekti “Open Data Albania<\/span>”  publikoi t\u00eb dh\u00ebnat e zgjeruara p\u00ebr pagesat, datat, vler\u00ebn e tyre, \u00e7\u00ebshtjet p\u00ebr t\u00eb cilat \u00ebsht\u00eb lobuar, firm\u00ebn lobuese, form\u00ebn e kontaktit dhe emrat e p\u00ebrfaq\u00ebsuesve t\u00eb r\u00ebnd\u00ebsish\u00ebm t\u00eb p\u00ebrfshir\u00eb n\u00eb proceset lobuese sipas interesit t\u00eb qeveris\u00eb shqiptare.<\/p>\n

Nga tre partit\u00eb politike m\u00eb t\u00eb m\u00ebdha n\u00eb vend q\u00eb kan\u00eb shpenzuar p\u00ebr lobim rezulton se LSI ka paguar 154,298 dollar\u00eb, PD 120,000 dollar\u00eb, PS 82.250 dollar\u00eb, nd\u00ebrsa qeveria 825,000 dollar\u00eb.<\/p>\n

Hulumtimi mbi lobimin e partive politike shqiptare n\u00eb SHBA zbardh nj\u00eb num\u00ebr t\u00eb zgjeruar kontaktesh edhe t\u00eb Partis\u00eb p\u00ebr Drejt\u00ebsi dhe Integrim mbi \u00e7\u00ebshtjen \u00e7ame. Por n\u00eb rastin e PDI-s\u00eb nuk konstatohen pagesa kokrete.<\/p>\n

“Esht\u00eb e r\u00ebnd\u00ebsishme t\u00eb publikohet \u00e7do lloj kontakti, ashtu sikurse edhe transaksionet financiare t\u00eb lobimit shqiptar, qoft\u00eb ky lobim qeveritar apo i aktor\u00ebve politik\u00eb, si\u00e7 jan\u00eb partit\u00eb, sepse lidhet me disa koncepte t\u00eb transparenc\u00ebs, por edhe t\u00eb politik\u00ebb\u00ebrjes apo mir\u00ebqeverisjes n\u00eb vendet tona. <\/p>\n

Esht\u00eb tep\u00ebr interesante t’i ofrohet publikut t\u00eb gjer\u00eb, opinionist\u00ebve apo analist\u00ebve shqiptare, atyre q\u00eb studiojn\u00eb performanc\u00ebn politike n\u00eb Shqip\u00ebri, t\u00eb shohin se cilat jan\u00eb kontaktet, n\u00eb \u00e7far\u00eb niveli jan\u00eb ato dhe mbi t\u00eb gjitha cilat jan\u00eb c\u00ebshtjet p\u00ebr t\u00eb cilat politika shqiptare, aktor\u00ebt politik\u00eb shqiptar\u00eb synojn\u00eb t\u00eb ken\u00eb lobim, nd\u00ebrmjet\u00ebsim dhe mb\u00ebshtetje amerikane”, thot\u00eb Aranita Brahaj, drejtore ekzekutive ODA.<\/p>\n

T\u00eb dh\u00ebnat tregojn\u00eb se qeveria shqiptare n\u00ebp\u00ebrmjet firm\u00ebs lobuese ‘Patton Boggs’ gjat\u00eb periudh\u00ebs 16 Gusht 2010-20 Dhjetor 2010 ka shpenzuar 825,000 $.<\/p>\n

Fondacioni amerikan ‘Sunlight Foundation’, t\u00eb cilit i referohet “Open Data Albania<\/span>” ka zbuluar se k\u00ebto para qeveria shqiptare i ka shpenzuar p\u00ebr t\u00eb lobuar kryesisht n\u00eb thithjen e fondeve n\u00eb form\u00eb ndihme nga qeveria amerikane, q\u00eb lidhen me p\u00ebrfitimin e ndihm\u00ebs nga Departamenti Amerikan i Agrikultur\u00ebs, ndihm\u00ebs monetare nga Fondi i Milleniumit, si dhe p\u00ebr mardh\u00ebniet bilaterale. Fusha e lobimit dedikuar thithjes s\u00eb fondeve amerikane tregon v\u00ebshtir\u00ebsit\u00eb financiare t\u00eb qeveris\u00eb gjat\u00eb k\u00ebsaj periudhe kur \u00ebsht\u00eb lobuar.<\/p>\n

Partia q\u00eb shpenzuar m\u00eb shum\u00eb para p\u00ebr t\u00eb lobuar \u00ebsht\u00eb LSI, me vler\u00ebn 154,298 $.Kjo shum\u00eb \u00ebsht\u00eb paguar gjat\u00eb periudh\u00ebs kohore 13 Prill 2009 -3 Prill 2010. Gjat\u00eb koh\u00ebs kur LSI ishte n\u00eb opozit\u00eb ka p\u00ebrdorur kompanin\u00eb lobuese ‘Dutko WorldWide LLC’, kryesisht p\u00ebr k\u00ebshillim p\u00ebr \u00e7\u00ebshtje t\u00eb fushat\u00ebs zgjedhore.<\/p>\n

N\u00eb pes\u00eb raste rezulton se kongresmeni Eliot Engel \u00ebsht\u00eb kontaktuar p\u00ebr llogari LSI-s\u00eb. Pas hyrjes n\u00eb koalicionin qeveris\u00ebs strategjia lobuese e LSI ndryshon duke p\u00ebrdorur kompanin\u00eb ‘Blue Star Strategies LLC’, nd\u00ebrsa \u00e7\u00ebshtjet lobuese p\u00ebrq\u00ebndrohen n\u00eb edukimin e udh\u00ebheq\u00ebsve t\u00eb rinj.<\/p>\n

Gjat\u00eb periudh\u00ebs 14 Janar 2009 -12 Qershor 2009, PD ka shpenzuar p\u00ebr t\u00eb lobuar n\u00eb 20 raste, nga t\u00eb cilat n\u00eb 10 raste parat\u00eb jan\u00eb shpenzuar p\u00ebr vizitat e n\u00ebnkryetares s\u00eb PD-s\u00eb dhe kryetares s\u00eb parlamentit zonj\u00ebs Jozefina Topalli. Nd\u00ebrsa n\u00eb pes\u00eb raste kompania lobuese e PD-se, ‘BKSH Associates’ ka nd\u00ebrmjet\u00ebsuar p\u00ebr takimet e kryeministrit Berisha.<\/p>\n

Strategjia lobuese e PS duke shpenzuar 82,250 $ p\u00ebr periudh\u00ebn 12 Maj 2010 deri m\u00eb 3 Shtator 2010 rezulton t\u00eb jet\u00eb p\u00ebrq\u00ebndruar n\u00eb sensibilizimin e shqet\u00ebsimeve t\u00eb opozit\u00ebs, n\u00ebp\u00ebrmjet mediave nd\u00ebrkomb\u00ebtare.<\/p>\n

Kompania lobuese e kontaktuar nga socialist\u00ebt ka negociuar me disa media t\u00eb r\u00ebnd\u00ebsishme si ‘Washington Post’, ‘USA Today’, ‘Z\u00ebri Amerik\u00ebs’, ‘The Economist’, ‘Newsweek’ etj p\u00ebr t\u00eb publikuar intervista apo shkrime me drejtues t\u00eb lart\u00eb t\u00eb opozit\u00ebs. N\u00eb dy raste \u00ebsht\u00eb lobuar pran\u00eb Komitetit t\u00eb Helsinkit p\u00ebr \u00e7\u00ebshtje q\u00eb lidheshin me situat\u00ebn politike n\u00eb Shqip\u00ebri, p\u00ebrfshi ato n\u00eb realizimin e takimeve me disa kongresmen\u00eb.<\/p>\n

\n<\/div>\n