{"id":6705,"date":"2013-06-06T10:29:31","date_gmt":"2013-06-06T10:29:31","guid":{"rendered":""},"modified":"2022-05-05T14:22:45","modified_gmt":"2022-05-05T14:22:45","slug":"vota-te-pavlefshme-dhe-vota-te-demtuara-zgjedhjet-vendore-2011","status":"publish","type":"post","link":"https:\/\/ndiqparate.al\/?p=6705","title":{"rendered":"Vota t\u00eb pavlefshme dhe vota t\u00eb d\u00ebmtuara, zgjedhjet vendore 2011"},"content":{"rendered":"
Open Data Albania ka hulumtuar mbi numrin e votave t\u00eb pavlefshme dhe votave t\u00eb d\u00ebmtuara n\u00eb procesin zgjedhor 2011. Vota e pavlefshme ka disa karakteristika p\u00ebr t\u00eb qen\u00eb e till\u00eb. N\u00eb \u00e7do rast ajo nuk sh\u00ebnon rezultat pasi pavlefshm\u00ebria konsiston ose n\u00eb paqart\u00ebsi t\u00eb vullnetit zgjedhor ose n\u00eb parregullsi pro\u00e7eduriale q\u00eb n\u00ebnkuptojn\u00eb defekte n\u00eb procesin e votimit.

<\/p>\n

N\u00eb Kodin zgjedhor jan\u00eb parashikuar si t\u00eb pavlefshme rastet si vijon: a) fleta e votimit nuk ka t\u00eb nj\u00ebjt\u00ebn madh\u00ebsi, ngjyr\u00eb ose form\u00eb me flet\u00ebn e votimit t\u00eb miratuar nga KQZ-ja; b) flet\u00ebs s\u00eb votimit i mungojn\u00eb vulat e parashikuara n\u00eb nenin 103 t\u00eb k\u00ebtij Kodi; c) n\u00eb flet\u00ebn e votimit jan\u00eb b\u00ebr\u00eb sh\u00ebnime apo shenja q\u00eb b\u00ebjn\u00eb t\u00eb pamundur vler\u00ebsimin e vot\u00ebs; \u00e7) n\u00eb flet\u00ebn e votimit jan\u00eb b\u00ebr\u00eb sh\u00ebnime n\u00eb favor ose n\u00eb disfavor t\u00eb subjekteve t\u00eb caktuara zgjedhore; d) \u00ebsht\u00eb votuar p\u00ebr m\u00eb shum\u00eb se nj\u00eb nga subjektet zgjedhore n\u00eb flet\u00ebn e votimit;  dh) nuk \u00ebsht\u00eb votuar p\u00ebr asnj\u00eb nga subjektet zgjedhore n\u00eb flet\u00ebn e votimit; e) nuk \u00ebsht\u00eb e qart\u00eb se p\u00ebr k\u00eb \u00ebsht\u00eb votuar; ose \u00eb) zgjedh\u00ebsi ka votuar p\u00ebr nj\u00eb person apo subjekt q\u00eb nuk \u00ebsht\u00eb n\u00eb flet\u00ebn e votimit. N\u00eb \u00e7do rast vota e pavlefshme \u00ebsht\u00eb flet\u00eb votimi e gjetur n\u00eb kuti.<\/p>\n

Vot\u00eb e d\u00ebmtuar \u00ebsht\u00eb nj\u00eb flet\u00eb e cila nuk gjendet n\u00eb kuti por \u00ebsht\u00eb administruar nga komisioni i qendr\u00ebs s\u00eb votimit. Ky rast p\u00ebrkon me parashikime n\u00eb kod: <\/p>\n

1. N\u00ebse sh\u00ebnimi n\u00eb flet\u00ebn e votimit apo n\u00eb t\u00eb pakt\u00ebn nj\u00eb nga flet\u00ebt e votimit b\u00ebhet jasht\u00eb dhom\u00ebs s\u00eb fsheht\u00eb, zgjedh\u00ebsi nuk lejohet t\u00eb fus\u00eb flet\u00ebn\/flet\u00ebt e votimit n\u00eb kuti. Fleta e votimit konsiderohet e d\u00ebmtuar dhe futet n\u00eb zarfin \u201cflete votimi te d\u00ebmtuara\u201d dhe zgjedh\u00ebsit i jepet nj\u00eb flet\u00eb votimi e dyt\u00eb. <\/p>\n

2. N\u00ebse zgjedh\u00ebsi b\u00ebn sh\u00ebnim ose e d\u00ebmton flet\u00ebn e votimit pa dashje dhe k\u00ebrkon nj\u00eb flet\u00eb votimi t\u00eb dyt\u00eb, fleta e votimit konsiderohet e d\u00ebmtuar dhe futet n\u00eb zarfin \u201cflet\u00eb votimi t\u00eb d\u00ebmtuara \u201d dhe zgjedh\u00ebsit i jepet nj\u00eb flet\u00eb votimi e dyt\u00eb.<\/p>\n

N\u00ebse pasakt\u00ebsit\u00eb e m\u00ebsip\u00ebrme ndodhin p\u00ebr her\u00eb t\u00eb dyt\u00eb, votuesit nuk i jepet m\u00eb flet\u00eb votimi k\u00ebshtu ai humbet t\u00eb drejt\u00ebn e tij t\u00eb vot\u00ebs. N\u00eb rastin kur vota \u00ebsht\u00eb b\u00ebr\u00eb e d\u00ebmtuar duke u sh\u00ebnuar jasht\u00eb dhom\u00ebs s\u00eb votimit jemi p\u00ebrpara situat\u00ebs kur vota \u00ebsht\u00eb ekspozuar. N\u00ebse ekspozimi \u00ebsht\u00eb b\u00ebr\u00eb jo nga pakujdesia por me q\u00ebllim dhe duke pasur arsye p\u00ebr t\u00b4ja treguar nj\u00eb personi konkret, at\u00ebher\u00eb jemi p\u00ebrpara nj\u00eb shkelje t\u00eb r\u00ebnd\u00eb deri n\u00eb kufijt\u00eb e veprimit q\u00eb p\u00ebrb\u00ebn vep\u00ebr penale. Kjo pasi ekspozimi p\u00ebrkon me premtime dhe tentativa p\u00ebr blerje t\u00eb vot\u00ebs apo votim familjar.<\/p>\n

N\u00eb zgjedhjet p\u00ebr organe t\u00eb qeverisjes vendore votohet p\u00ebr kryetar\u00ebt e nj\u00ebsive administrative dhe k\u00ebshilltar\u00ebt e nj\u00ebsive. N\u00eb kontekstin e pavlefshm\u00ebris\u00eb dhe d\u00ebmtimit, theksojm\u00eb se vlerat e paraqitura ne tabele jan\u00eb  vet\u00ebm p\u00ebr vot\u00ebn e k\u00ebshillit. Kemi b\u00ebr\u00eb nj\u00eb marr\u00ebveshje t\u00eb till\u00eb, duke qen\u00eb se vota p\u00ebr k\u00ebshillin \u00ebsht\u00eb vot\u00eb e past\u00ebr p\u00ebr partin\u00eb dhe nuk ndikohet nga perceptime subjektive p\u00ebr individin kandidat. Jan\u00eb analizuar t\u00eb dh\u00ebnat p\u00ebr 12 qarqet e Republik\u00ebs s\u00eb Shqip\u00ebris\u00eb. Nga Kodi zgjedhor  jepet p\u00ebrkufizimi i m\u00ebposht\u00ebm se \u00e7far\u00eb quhet votim i pavlefsh\u00ebm.<\/p>\n

P\u00ebr leht\u00ebsi vler\u00ebsimi jan\u00eb konsideruar pavlefshm\u00ebrit\u00eb n\u00eb rastin e flet\u00ebs ku votohet p\u00ebr k\u00ebshilltar\u00ebt e nj\u00ebsive vendore. N\u00eb rang komb\u00ebtar nga 1 616 694 votues q\u00eb kan\u00eb ushtruar t\u00eb drejt\u00ebn p\u00ebr votim, 44 250 kan\u00eb humbur t\u00eb drejt\u00ebn p\u00ebr t\u00eb ushtruar vullnetin e tyre me votim p\u00ebr shkak t\u00eb pavlefshm\u00ebris\u00eb n\u00eb flet\u00ebn e votimit. <\/p>\n

N\u00eb disa raste pavlefshm\u00ebria vjen si pasoj\u00eb e ndonj\u00eb gabimi njer\u00ebzor nga votuesi, nd\u00ebrsa n\u00eb raste t\u00eb tjera fleta e votimit ka qen\u00eb difektoze ose \u00ebsht\u00eb b\u00ebr\u00eb e till\u00eb si pasoj\u00eb e gabimeve nga administrator\u00eb t\u00eb zgjedhjes q\u00eb kan\u00eb kompetenc\u00eb p\u00ebr materialin zgjedhor flet\u00eb votimi. Vota t\u00eb pavlefshme jan\u00eb 2.73% e totalit. N\u00eb nj\u00eb rezultat zgjedhor tep\u00ebr t\u00eb ngusht\u00eb kjo lloj vlere mund t\u00eb ndryshoj\u00eb edhe fituesin. <\/p>\n

Votimi i pavlefshem dhe vota e demtuar ne zgjedhjet lokale 2011, vota per keshillin<\/b><\/p>\n