{"id":7117,"date":"2014-08-15T05:42:58","date_gmt":"2014-08-15T05:42:58","guid":{"rendered":""},"modified":"2014-08-15T05:42:58","modified_gmt":"2014-08-15T05:42:58","slug":"tirane-shtohen-shpejt-organizatat-jofitimprurese","status":"publish","type":"post","link":"https:\/\/ndiqparate.al\/?p=7117","title":{"rendered":"Tiran\u00eb: Shtohen shpejt organizatat jofitimprur\u00ebse"},"content":{"rendered":"\n
Instituti Shqiptar i Shkencave sapo ka p\u00ebrfunduar nj\u00eb studim mbi organizatat jofitimprur\u00ebse vendase dhe t\u00eb huaja, q\u00eb veprojn\u00eb n\u00eb Shqip\u00ebri 9 vitet e fundit. Sipas t\u00eb dh\u00ebnave t\u00eb nxjerra nga regjistri komb\u00ebtar i nd\u00ebrmarrjeve, 8% e subjekteve jan\u00eb organizata jofitimprur\u00ebse vendore dhe nd\u00ebrkomb\u00ebtare. Aktualisht Shqip\u00ebria ka t\u00eb regjistruara 2110 organizata jofitimprur\u00ebse, shif\u00ebr kjo q\u00eb \u00ebsht\u00eb rritur dy her\u00eb e gjysm\u00eb gjat\u00eb 9 viteve t\u00eb fundit, nd\u00ebrsa n\u00eb 2005 ishin 794 organizata t\u00eb tilla.\n<\/div>\n
\n<\/div>\n
\u201c\u00c7do vit jan\u00eb regjistruar mesatarisht 172 organizata t\u00eb reja. N\u00eb vitin 2013 u themeluan 254 organizata t\u00eb reja jofitimprur\u00ebse, duke arritur numrin m\u00eb t\u00eb lart\u00eb t\u00eb regjistrimeve\u201d – thot\u00eb Aranita Brahaj, drejtuese e Institutit, nd\u00ebrsa minimumi i regjistrimeve ishte n\u00eb vitin 2006 me 100 organizata jofitimprur\u00ebse.\n<\/div>\n
\n<\/div>\n
Autor\u00ebt e studimit v\u00ebrejn\u00eb se nj\u00eb num\u00ebr i madh organizatash t\u00eb tilla jan\u00eb themeluar n\u00eb vite zgjedhore si 2009, 2011 dhe 2013. Megjithat\u00eb mungojn\u00eb shum\u00eb t\u00eb dh\u00ebna t\u00eb tjera mbi veprimtarin\u00eb konkrete t\u00eb tyre n\u00eb shoq\u00ebri dhe financimet apo edhe ndarja e thjesht\u00eb se sa prej tyre jan\u00eb shqiptare dhe sa jan\u00eb t\u00eb huaja.\n<\/div>\n
\n<\/div>\n
Studimi nxori n\u00eb drit\u00eb se megjith\u00eb pasivitetin e shoq\u00ebris\u00eb p\u00ebr t\u00eb protestuar ndaj v\u00ebshtir\u00ebsive t\u00eb jet\u00ebs, numri i organizatave vazhdon t\u00eb rritet me shpejt\u00ebsi. Sa m\u00eb shum\u00eb shtohen hallet e \u00e7do fushe dhe pasiviteti i shoq\u00ebris\u00eb civile aq m\u00eb shum\u00eb rritet numri i organizatave jofitimprur\u00ebse. \u201cE gjith\u00eb veprimtaria shoq\u00ebrore jofitimprur\u00ebse n\u00eb Shqip\u00ebri rregullohet me nj\u00eb ligj, i cili nuk e trajton realitetin si duhet. Ligji nevojitet t\u00eb p\u00ebrmir\u00ebsohet bazuar n\u00eb p\u00ebrvojat m\u00eb t\u00eb mira rajonale dhe per\u00ebndimore\u201d – thot\u00eb Aranita Brahaj.\n<\/div>\n
\n<\/div>\n
Organizatat jofitimprur\u00ebse duhet t\u00eb regjistrohen n\u00eb gjykat\u00eb sipas ligjit dhe nj\u00eb regjist\u00ebr komb\u00ebtar p\u00ebr to duhet ta mbaj\u00eb Gjykata e Tiran\u00ebs. Por gjykata, pohojn\u00eb autor\u00ebt, nuk ka shfaqur statistika me tregues publik p\u00ebr organizatat e themeluara dhe t\u00eb regjistruara. Studimi p\u00ebrfshin vet\u00ebm ato organizata q\u00eb kan\u00eb kryer deklarime tatimore, pra me NIPT aktive.\n<\/div>\n
\n<\/div>\n
Sipas tyre, mund t\u00eb jet\u00eb m\u00eb i lart\u00eb numri i organizatave q\u00eb regjistrojn\u00eb akt themelimi n\u00eb gjykat\u00eb, por nuk deklarohen pran\u00eb autoriteteve tatimore. K\u00ebtu ka edhe fshehje t\u00eb parave edhe fshehje t\u00eb nj\u00eb numri t\u00eb konsideruesh\u00ebm t\u00eb t\u00eb pun\u00ebsuarve n\u00eb struktura t\u00eb shoq\u00ebris\u00eb civile, sepse nuk ka t\u00eb dh\u00ebna se sa persona jan\u00eb pun\u00ebsuar n\u00eb organizata jofitimprur\u00ebse, ndaj nevojiten nisma ligjore p\u00ebr miradiministrim t\u00eb sektorit, pohojn\u00eb studiuesit.\n<\/div>\n
\n<\/div>\n
Organizatat jofitimprur\u00ebse vendore dhe nd\u00ebrkomb\u00ebtare kontrollohen edhe nga drejtoria e parandalimit t\u00eb pastrimit t\u00eb parave, p\u00ebr t\u00eb parandaluar financimet dhe mb\u00ebshtetjen e veprimtarive terroriste. Dy kontrolle t\u00eb tilla u raportuan n\u00eb vitin 2011 p\u00ebr veprimtari t\u00eb dyshimta financiare dhe pes\u00eb raste n\u00eb vitin 2012. Por kjo pun\u00eb b\u00ebhet e pamundur n\u00ebse organizatat nuk regjistrohen n\u00eb gjykat\u00eb dhe nuk b\u00ebjn\u00eb deklarata fiskale.\n<\/div>\n
\n<\/div>\n
Nga ana tjet\u00ebr, megjith\u00ebse organizatat jofitimprur\u00ebse p\u00ebrb\u00ebjn\u00eb 8% t\u00eb NIPT-eve n\u00eb shkall\u00eb komb\u00ebtare, autoritetet tatimore nuk kan\u00eb akte n\u00ebnligjore, q\u00eb t\u00eb rregullojn\u00eb veprimtarin\u00eb e tyre me deklarime fiskale m\u00eb t\u00eb sakta. Kjo e v\u00ebshtir\u00ebson mjaft edhe pun\u00ebn hetimore kund\u00ebr pastrimit t\u00eb parave.\n<\/div>\n
\n<\/div>\n
\n<\/div>\n
\n<\/div>\n
\n<\/div>\n