{"id":7217,"date":"2014-11-17T11:16:37","date_gmt":"2014-11-17T11:16:37","guid":{"rendered":""},"modified":"2014-11-17T11:16:37","modified_gmt":"2014-11-17T11:16:37","slug":"pd-kompania-e-veliajt-para-nga-qeveria-reagon-ministri","status":"publish","type":"post","link":"https:\/\/ndiqparate.al\/?p=7217","title":{"rendered":"PD: Kompania e Veliajt, para nga qeveria. Reagon ministri"},"content":{"rendered":"\n
Opozita akuzon Ministrin e Mir\u00ebq\u00ebnies Sociale, Erion Veliaj se p\u00ebrmes nj\u00eb kompanie t\u00eb regjistruar n\u00eb em\u00ebr t\u00eb v\u00ebllait t\u00eb tij, ka marr\u00eb nga buxheti i shtetit dhjetra miliona lek\u00eb. \n<\/div>\n
\n<\/div>\n
Ve\u00e7 tenderit p\u00ebr dekorimin e qytetit t\u00eb Tiran\u00ebs me rastin e  vizit\u00ebs s\u00eb Pap\u00ebs, sipas Partis\u00eb Demokratike jan\u00eb edhe shum\u00eb tendera t\u00eb tjer\u00eb, p\u00ebrmes t\u00eb cil\u00ebve kjo firm\u00eb ka marr\u00eb para nga buxheti i shtetit.\n<\/div>\n
\n<\/div>\n
\u201cKemi dokumentin e Thesarit<\/b><\/a> q\u00eb tregon parat\u00eb q\u00eb i kan\u00eb shkuar kompanis\u00eb EAG Veliaj & Co. \u00c7do zyr\u00eb shteti jep sot Erjon Veliajt dhe bashk\u00ebpun\u00ebtor\u00ebve t\u00eb ngusht\u00eb t\u00eb Ram\u00ebs para nga taksat e shqiptar\u00ebve. Agjencia Komb\u00ebtare e Turizmit, Agjencia e Mjedisit, Agjencia Shtet\u00ebrore p\u00ebr Mbrojtjen e t\u00eb Drejtave t\u00eb F\u00ebmij\u00ebve, ALUIZNI, Ministria e Drejt\u00ebsis\u00eb dhe rezulton se ka marr\u00eb nga zyrat e shtetit sot t\u00eb pakt\u00ebn 520 milion lek\u00eb. Ky pasurim i paturpsh\u00ebm n\u00eb kurriz t\u00eb qytetar\u00ebve ndodh n\u00eb koh\u00ebn kur Edi Rama po planifikon rritjen e taksave. E keqja duhet ndalur dhe sa m\u00eb shpejt!\u201d, deklaroi n\u00eb nj\u00eb konferenc\u00eb p\u00ebr mediat, Grida Duma, Koordinatore p\u00ebr Marr\u00ebdh\u00ebniet me Publikun. \n<\/div>\n
\n<\/div>\n
Pas akuzave t\u00eb Partis\u00eb Demokratike, me an\u00eb t\u00eb nj\u00eb deklarate ka reaguar ministri Erion Veliaj, i cili i b\u00ebn nj\u00eb apel organeve ligj-zbatuese p\u00ebr t\u00eb hetuar t\u00eb gjith\u00eb at\u00eb q\u00eb ai e cil\u00ebson, balt\u00ebn e shpifjeve nga Grida Duma.\n<\/div>\n
\n<\/div>\n
\u201cPrej jav\u00ebsh jam vendosur n\u00eb sh\u00ebnjest\u00ebr t\u00eb akuzave sistematike t\u00eb Partis\u00eb Demokratike n\u00eb lidhje me organizime, si ai i vizit\u00ebs s\u00eb Pap\u00ebs e t\u00eb tjera, ku as un\u00eb e as Ministria e Mir\u00ebqenies Sociale dhe Rinis\u00eb nuk jemi angazhuar, as n\u00eb organizime e as n\u00eb prokurime t\u00eb k\u00ebtyre sh\u00ebrbimeve. Baltosja e atij aktiviteti dhe ngat\u00ebrrimi me dashje i organizator\u00ebve \u00ebsht\u00eb mashtrim, i ngjash\u00ebm me t\u00eb tjera mashtrime p\u00ebr t\u00eb cilat zonja Duma tashm\u00eb \u00ebsht\u00eb d\u00ebnuar nga gjykatat e tona e p\u00ebr t\u00eb cilat po vepron p\u00ebrmbarimi. E ftoj policin\u00eb, prokurorin\u00eb, KLSH, ILDKP dhe gjykatat e vendit t\u00eb ushtrojn\u00eb gjith\u00eb autoritetin e kompetencat si dhe ofroj disponibilitetin tim maksimal ne \u00e7do koh\u00eb, p\u00ebr t\u2019u p\u00ebrballur me \u00e7do pretendim t\u00eb saj dhe t\u00eb PD-s\u00eb\u201d, reagon Veliaj. \n<\/div>\n
\n<\/div>\n
M\u00eb tej, ministri i Mir\u00ebqenies Sociale dhe Rinis\u00eb shprehet se n\u00ebse nj\u00eb familjar i tij ka shkelur ligjin, e fton Grida Dum\u00ebn  t\u2019i \u00e7oj\u00eb n\u00eb prokurori nj\u00eb or\u00eb e m\u00eb par\u00eb e secili t\u00eb marr\u00eb d\u00ebnimin sipas ligjit. Por, sipas tij, t\u00eb shpif\u00ebsh p\u00ebr njer\u00ebz q\u00eb nuk merren me politik\u00eb, por kan\u00eb taksiratin e vet\u00ebm q\u00eb jan\u00eb familja ime, kjo \u00ebsht\u00eb m\u00eb shum\u00eb se e ul\u00ebt.\n<\/div>\n
\n<\/div>\n
\u201cNuk do t\u00eb thot\u00eb se do lejoj Grid\u00ebn t\u00eb shkat\u00ebrroj\u00eb edhe familjen time n\u00eb k\u00ebt\u00eb pasion t\u00eb saj t\u00eb pafrenuesh\u00ebm, ku mendon se ka gjetur pren\u00eb e radh\u00ebs. P\u00ebrkundrazi, do angazhohem sa t\u00eb mundem q\u00eb asnj\u00eb familje tjet\u00ebr t\u00eb mos e k\u00ebt\u00eb m\u00eb n\u00eb qaf\u00eb k\u00ebt\u00eb mallkim nga politika q\u00eb p\u00ebr karrier\u00eb dhunon \u00e7do gj\u00eb t\u00eb shenjt\u00eb. Ndaj e pres at\u00eb dhe k\u00ebdo nga \u2018SHQUP\u2019-i n\u00eb prokurori p\u00ebr \u00e7do shkelje q\u00eb pretendojn\u00eb, n\u00eb debat p\u00ebr \u00e7do zgjidhje konkrete q\u00eb ofrojn\u00eb, e n\u00eb parlament p\u00ebr \u00e7do alternative q\u00eb sjellin. Kjo \u00ebsht\u00eb politika!\u201d,  mbyllet reagimi i ministrit Veliaj.\n<\/div>\n
\n<\/div>\n
\n<\/div>\n