{"id":7241,"date":"2014-12-16T14:13:04","date_gmt":"2014-12-16T14:13:04","guid":{"rendered":""},"modified":"2014-12-16T14:13:04","modified_gmt":"2014-12-16T14:13:04","slug":"pjesemarrja-e-grave-ne-ekonomi-dhe-politike","status":"publish","type":"post","link":"https:\/\/ndiqparate.al\/?p=7241","title":{"rendered":"Pjes\u00ebmarrja e grave n\u00eb ekonomi dhe politik\u00eb"},"content":{"rendered":"\n
N\u00eb Dit\u00ebt kund\u00ebr Dhun\u00ebs ndaj grave, organizata joqeveritare p\u00ebrgatit\u00ebn n\u00eb Tiran\u00eb nj\u00eb seri studimesh mbi gjendjen e tyre. V\u00ebzhgimet v\u00ebrtetuan se grat\u00eb shqiptare jan\u00eb pjesa m\u00eb e varf\u00ebr e shoq\u00ebris\u00eb, m\u00eb e dhunuar fizikisht dhe m\u00eb pak e p\u00ebrfaq\u00ebsuar n\u00eb institucione vendimarr\u00ebse. Sipas v\u00ebzhgimeve t\u00eb Qendr\u00ebs \u201cOpen Data Albania<\/span>\u201d gruaja shqiptare \u00ebsht\u00eb m\u00eb pak e p\u00ebrfaq\u00ebsuar n\u00eb fush\u00ebn ekonomike, si zot\u00ebruese pasurish. Studimi i fundit mbi regjistrimin e pasurive nxori se nga 850 shoq\u00ebri aksionere vet\u00ebm 150 prej tyre kan\u00eb t\u00eb pakt\u00ebn nj\u00eb aksionere grua.\n<\/div>\n
\n<\/div>\n
Nga 7 mij\u00eb e 800 persona aksioner\u00eb n\u00eb shoq\u00ebri aksionere, vet\u00ebm 2560 prej tyre jan\u00eb femra. N\u00eb dukje ato z\u00ebn\u00eb 30 p\u00ebr qind e numrit t\u00eb p\u00ebrgjithsh\u00ebm t\u00eb aksioner\u00ebve, por n\u00eb fakt femrat zot\u00ebrojn\u00eb realisht vet\u00ebm 8 p\u00ebr qind t\u00eb kapitalit t\u00eb aksioneve, kundrejt 92 p\u00ebr qind q\u00eb zot\u00ebrojn\u00eb burrat. Drejtuesja e qendr\u00ebs dhe autore e studimit, Aranita Brahaj, thot\u00eb se e nj\u00ebjta gjendje dhe mend\u00ebsi ekziston edhe sa i takon pronave familjare, ku gruaja punon p\u00ebr ta krijuar, por nuk e zot\u00ebron.\n<\/div>\n
\n<\/div>\n
Aleanca p\u00ebr barazi gjinore ka nisur p\u00ebrpjekjet p\u00ebr edukimin e hersh\u00ebm t\u00eb t\u00eb rinjve kund\u00ebr dhun\u00ebs n\u00eb familje. Ajo ka krijuar filma dokumentar\u00eb dhe tryeza t\u00eb rrumbullak\u00ebta me gjimnazet e Tiran\u00ebs ku \u00ebsht\u00eb diskutuar kund\u00ebr dhun\u00ebs n\u00eb familje, p\u00ebr ta parandaluar at\u00eb sa m\u00eb her\u00ebt. Drejtuesja e Aleanc\u00ebs p\u00ebr Barazi Gjinore, Mirela Arqimandriti thot\u00eb se dhuna dhe diskriminimi gjinor ekziston n\u00eb familje, n\u00eb politik\u00eb, dhe sipas saj gjendja nuk \u00ebsht\u00eb p\u00ebrmir\u00ebsuar aspak.\n<\/div>\n
\n<\/div>\n
Afrimi i zgjedhjeve vendore po shihet si nj\u00eb rast i mir\u00eb p\u00ebr t\u00eb shtuar pjes\u00ebmarrjen e grave n\u00eb institucionet vendim-marr\u00ebse. Organizatat joqeveritare po hartojn\u00eb projekte dhe po lobojn\u00eb me forcat politike p\u00ebr t\u00eb shtuar m\u00eb tej kandidimin e grave n\u00eb pushtetin vendor, sepse pjes\u00ebmarrja e gruas n\u00eb institucionet vendim-marr\u00ebse qendrore dhe vendore \u00ebsht\u00eb n\u00eb minimumin historik t\u00eb demokracis\u00eb.\n<\/div>\n
\n<\/div>\n
Altin Hazizaj p\u00ebrfaq\u00ebsues i Koalicionin p\u00ebr Nxitjen e Pjes\u00ebmarrjes s\u00eb Grave dhe t\u00eb Rinjve, thot\u00eb se aktualisht pushteti vendor kontrollohet 98 p\u00ebr qind nga burrat. Sipas tij, fuqizimi politik i grave \u00ebsht\u00eb i domosdosh\u00ebm dhe se kjo mund t\u00eb nis\u00eb me zgjedhjet vendore, p\u00ebr t\u00eb cilat \u00ebsht\u00eb propozuar rritja e kandidimit t\u00eb gruas n\u00eb 30-40 p\u00ebr qind.\n<\/div>\n
\n<\/div>\n
Analist\u00ebt v\u00ebrejn\u00eb edhe nj\u00eb ndarje t\u00eb d\u00ebmshme t\u00eb grave n\u00eb grupe t\u00eb caktuara politikane, biznesmene, veprimtare, pun\u00ebtore, m\u00ebsuese apo studiuese, ndarje q\u00eb ia humbet forc\u00ebn atyre vet\u00eb c\u00ebshtjes s\u00eb tyre p\u00ebr m\u00eb shum\u00eb t\u00eb drejta. Ata pohojn\u00eb q\u00eb pavar\u00ebsisht nga disa ndarje t\u00eb tilla, ato nuk mund t\u00eb shihen t\u00eb ndara; se nj\u00eb e drejt\u00eb u sigurua mjaftuesh\u00ebm dhe nj\u00eb tjet\u00ebr m\u00eb pak. Por grave shqiptare u duhen garantuar nj\u00eblloj t\u00eb gjitha t\u00eb drejtat dhe mund\u00ebsit\u00eb nj\u00ebkoh\u00ebsisht, jo sic po shihen deri tani n\u00eb Shqip\u00ebri.\n<\/div>\n
\n<\/div>\n
\n<\/div>\n