{"id":7761,"date":"2016-12-14T12:19:38","date_gmt":"2016-12-14T12:19:38","guid":{"rendered":""},"modified":"2022-05-04T13:09:17","modified_gmt":"2022-05-04T13:09:17","slug":"procedime-gjyqesore-per-mosdeklarim-dhe-fshehje-te-pasurise-nga-funksionare-te-larte-publik-2005-2015","status":"publish","type":"post","link":"https:\/\/ndiqparate.al\/?p=7761","title":{"rendered":"Procedime Gjyq\u00ebsore p\u00ebr mosdeklarim dhe fshehje t\u00eb pasuris\u00eb nga Funksionar\u00eb t\u00eb Lart\u00eb Publik 2005-2015"},"content":{"rendered":"
Open Data Albania po hulumton mbi t\u00eb dh\u00ebna statistikore p\u00ebr raste t\u00eb procedimeve gjyq\u00ebsore p\u00ebr veprat penale t\u00eb parashikuara n\u00eb nenin 257 \/ a Refuzimi p\u00ebr Deklarimin, Mosdeklarimin, Fshehje  ose Deklarimi i Rrem\u00eb i Pasurive, Interesave Private t\u00eb Personave t\u00eb Zgjedhur dhe N\u00ebpun\u00ebs Publik ose \u00e7do personi tjet\u00ebr q\u00eb ka detyrim ligjor p\u00ebr Deklarim. Me nj\u00eb ligj t\u00eb ve\u00e7ant\u00eb,  \u00ebsht\u00eb p\u00ebrcaktuar nj\u00eb kategori e funksionar\u00ebve t\u00eb lart\u00eb publik dhe t\u00eb zgjedhurve p\u00ebr p\u00ebrfaq\u00ebsim, t\u00eb cil\u00ebt \u00e7do vit kan\u00eb detyrim t\u00eb plot\u00ebsojn\u00eb nj\u00eb deklarat\u00eb me t\u00eb dh\u00ebna pasurore dhe t\u00eb autorizojn\u00eb kontrollin publik t\u00eb v\u00ebrtet\u00ebsis\u00eb. Ky ligj detyron gjithashtu edhe deklarim fillestar t\u00eb t\u00eb gjitha aseteve n\u00eb dat\u00ebn e marrjes s\u00eb nj\u00eb detyre apo mandati. Mos respektimi i detyrimit ligjor\u00eb nga subjekte n\u00eb fjal\u00eb p\u00ebrb\u00ebn vep\u00ebr penale t\u00eb parashikuar nga Neni 257 \/ a i Kodit Penal.

<\/p>\n

Ky nen ka dy paragraf\u00eb ku paragrafi i par\u00eb parashikon refuzimin p\u00ebr deklarim ose mosdeklarim t\u00eb pasuris\u00eb, interesave private t\u00eb personave t\u00eb zgjedhur ose n\u00ebpun\u00ebsve publik\u00eb ose i \u00e7do personi tjet\u00ebr q\u00eb ka detyrimin ligjor sipas ligjit. Ky veprim konsiderohet vep\u00ebr penale pasi t\u00eb jet\u00eb evidentuar m\u00eb par\u00eb si shkelje administrative, dhe t\u00eb jen\u00eb marr\u00eb masa apo sanksione t\u00eb karakterit administrativ. N\u00eb rast se mosdeklarimi ka vijuar edhe pas k\u00ebtyre masave at\u00ebher\u00eb konsiderohet se  p\u00ebrb\u00ebn kund\u00ebrvajtje penale e cila d\u00ebnohet me gjob\u00eb ose me burgim deri n\u00eb 6 muaj. Nd\u00ebrsa paragrafi i dyt\u00eb p\u00ebrkon me rastet e fshehjes ose deklarimi t\u00eb rrem\u00eb t\u00eb pasurive dhe interesave private, t\u00eb personave t\u00eb zgjedhur dhe n\u00ebpun\u00ebsve publik, ose i \u00e7do personi tjet\u00ebr q\u00eb ka detyrimin ligjor p\u00ebr deklarim. Vepra penale e parashikuar n\u00eb paragrafin e dyt\u00eb  d\u00ebnohet me gjob\u00eb ose me burgim deri n\u00eb tre vjet.<\/p>\n

Sipas t\u00eb dh\u00ebnave t\u00eb Vjetar\u00ebve Statistikor t\u00eb Ministris\u00eb s\u00eb Drejt\u00ebsis\u00eb rezulton q\u00eb n\u00eb vitet 2005 deri 2015, jan\u00eb proceduar dhe jan\u00eb d\u00ebnuar me vendim gjyq\u00ebsor n\u00eb total 67 subjekte individ. Konkretisht p\u00ebr paragrafin e par\u00eb t\u00eb nenit q\u00eb p\u00ebrkon me Mosdeklarim apo Refuzim p\u00ebr Deklarim, jan\u00eb proceduar n\u00eb dhjet\u00eb vite, n\u00eb total 45 individ, dhe jan\u00eb dh\u00ebn\u00eb nga gjykatat 44 vendime. N\u00eb vitet 2005, 2007 dhe 2010 nuk kemi asnj\u00eb t\u00eb \u00e7\u00ebshtje  t\u00eb regjistruar p\u00ebr gjykim, e p\u00ebr pasoj\u00eb t\u00eb d\u00ebnuar p\u00ebr k\u00ebt\u00eb kundravajtje penale. Viti 2015 sh\u00ebnon numrin m\u00eb t\u00eb lart\u00eb t\u00eb \u00e7\u00ebshtjeve dhe autor\u00ebve p\u00ebr k\u00ebt\u00eb figur\u00eb vepre penale.<\/p>\n