Nese qeverite shqiptare do te ishin pak me shume shqiptare, nuk ka dyshim se kjo pasuri kolosale do te ishte vene ne sherbim te zhvillimit ekonomik e shoqeror te vendit dhe prosperitetit te qytetareve te tij. Mjafton te lexoni analizen e meposhtme te Open Data Albania per te kuptuar permasat e kesaj pasurie te paperseritshme kombetare, vlera e se ciles behet perdite dhe me e cmueshme, ndersa shfrytezimi i saj ne dobi te interesave kombetare po zbehet gjithashtu dite pas dite…
Dje ne fb, nje politikan i rendesishem i maxhorances aktuale (E.Brace) denonconte me argumente te pakundershtueshme e te dhena shokuese shfrytezimin barbar dhe teresisht ne favor te kompanive te huaja te kesaj pasurie, por natyrshem lind pikepyetja: a mjafton denoncimi publik, kjo arme teresisht e njohur si mjet opozitar i luftes politike, ndersa maxhorancat, edhe ne vendet me pak demokratike se yni, kane per mision te vetim ndermarrjen e reformave. E ne te vertete, ajo qe i mungon me se shumti ekonomise sone kombetare edhe pas ndryshimit te maxhorances politike jane pikerisht reformat qe do te nxisnin futjen ne qarkullim ekonomik ne rruge te ligjshme pasurite njerezore, financiare e natyrore te vendit, konkurrencen dhe tregun e lire, duke perfshire edhe mbrojtjen e interesave themelore te qytetareve shqiptare sa i takon shfrytezimit te pasurive natyrore te vendit. Por… “show” vazhdon ndersa Kuvendi hesht… “Dhe yjet rrine e veshtrojne…” shkruante A. Kronin vite me pare…
Patos-Marinza burimi më i madh natyror i naftës në Evropë
Shqipëria ka 400 mln ton naftë rezerva
Shqipëria vlerësohet të ketë rezerva relativisht të larta që arrijnë deri në 400 milionë ton naftë. Sipas burimeve zyrtare të Autoritetit Kombëtar të Burimeve Natyrore, rreth 40 milionë tonë naftë janë ende të pashfrytëzuara. “Open Data Albania” ka kryer një hulumtim mbi eksport-importet shqiptare të naftës.
Patos-Marinza është zona kryesore e naftës në Shqipëri. Kjo fushë prej 44 mijë hektarë është burimi më i madh natyror i naftës në të gjithë Evropën, me një kapacitet prodhimi prej 7.7 milionë fuçi naftë në vit.
Si pasojë e rritjes së investimeve të huaja eksportet e naftës vendase janë rritur me ritme shumë të shpejta që prej vitit 2005. Eksportet e naftës shqiptare drejt tregjeve të huaja në fund të vitit 2012 arritën në 56.7 miliardë lekë, duke dominuar kështu totalin e eksporteve vendase. Në raport me një vit më parë, eksportet janë rritur 36%, ndërsa kundrejt vitit 2005 ato kanë regjistruar një rritje prej 2880%.
Të njëjtën ecuri pozitive kanë regjistruar edhe eksportet në sasi, duke shënuar 1 milionë ton në fund të vitit 2012. Në raport me një vit më parë ato janë rritur 36.3%. ndërsa kundrejt vitit 2005 rritja është 1193%.
Edhe në 10-muajt e parë të vitit 2013, sipas Drejtorisë së Përgjithshme të Doganave, ecuria e eksporteve të naftës ka vijuar të jetë pozitive duke u rritur në nivelet e një viti më parë. Në fund të tetorit 2013 eksportet kishin arritur në 1.6 milionë tonë.
Eksportet e naftës shqiptare janë 2.4 herë më të larta se sasia e karburanteve që Shqipëria importon në vend për t’u përdorur në konsumin vendas. Në total, në fund të vitit 2012 janë importuar në Shqipëri rreth 430 mijë ton karburante. Sasia e importeve të karburanteve ka shënuar rënie në vitet e fundit si pasojë e krizës ekonomike dhe reduktimit të përdorimit të automjeteve nga konsumatorët. Rënia ka vijuar edhe në vitin 2013, duke u tkurrur në 359 mijë ton.