Shkrimi prezanton vlerën dhe kontratën e një prej kompanive kontraktore në bashki, identifikuar si kompani e lidhur në interesa familjar me një deputet
Firma ‘Shkëlqimi 07’, është një prej përfituesve nga shkatërrimet që u bënë ditën e sotme në zonën e ‘5 majit’ në Tiranë.
Firma e cila është nën emrin e Shkëlqim Kapllanaj, vëllai i të emëruarit të deputetit Lulzim Basha në PD-në e Fierit, ka përfituar miliona lekë tendera për të ndërtuar në këtë zonë.
Kjo firmë ka përfituar një fond prej gati 322 milionë lekësh, taksa të shqiptarëve në tenderin e shpallur nga Bashkia e Tiranës.
‘Hartim i Projektit dhe zbatim i Punimeve për Ndërtimin e godinës 20 në zonën zhvillimore 5 Maji me vlerë kontrate 321 750 000 Lekë me fitues bashkimin e operatorëve Shkëlqimi 07 shpk, Gran Konstruction M shpk dhe Fled shpk’, thuhet në raportin e publikuar nga Open Data Albania.
Më faqen ueb për prokurime transparente Open Procurement janë krijuar dy databaza me të dhëna për tenderime në Kuadër të projektit të Rindërtimit pas Tërmetit. Databaza e parë ka të gjitha procedurat Fondi për Rindërtim që janë zhvilluar në Bashki.
Databaza tjetër ka procedura po të programit Buxhetor Fondi për Rindërtimit të zhvilluara nga Fondi Shqiptar për Zhvillim FSHZH.
Shteti Shqiptarë po aplikon në procedurën e tenderimit rregulla të veçanta të krijuara në Aktin Normativ me Fuqi Ligji datë 9 Dhjetor 2019. Këto rregulla anashkalojnë legjislacionin e rregullt për Prokurime Publike. Organizata AIS ka konstatuar defekte të kësaj baze ligjore, shkelje të të drejtës kushtetuese për Liri Ekonomike dhe terren për cenim të konkurrencës në favor të kontraktorëve të mëdhenj të Qeverisë.
Linku per artikulin: https://www.syri.net/politike/479321/prishjet-tek-5-maji-firma-e-agron-kapllanaj-nje-prej-perfituesve/
