Remitanca quhen transfertat neto pa kundërshpërblim nga jashtë vendit. Këto lloj transfertash janë një ndër komponentët e llogarisë korrente në bilancin e pagesave.
Open Data Albania ka kryer një hulumtim lidhur me nivelin e remitancave dhe normën e papunësisë në vendet e rajonit ku jetojnë një pjesë e emigrantëve shqiptare: Itali dhe Greqi. Të dhënat bazohen në statistikat e Bankës së Shqipërisë dhe Bankës Qëndrore Europiane. Të dhënat e papunësisë janë llogaritur bazuar në mesataren e normës së papunësisë vjetore të Italisë dhe Greqisë.
Lidhja midis nivelit të remitancave të emigrantëve në Shqipëri dhe normës së papunësisë në Itali dhe Greqi, paraqitet në këtë mënyrë:
Burimi: Banka e Shqipërisë, Banka Qëndrore Europiane
Analiza dhe Komentet: ODA
Niveli i remitancave në milionë lek, është llogaritur bazuar në kursin mesatar të Lek/Eur dhe Lek/Usd, gjatë dhjetëvjeçarit të fundit:
Burimi: Banka e Shqipërisë
Analiza dhe Komentet: ODA
Norma mesatare vjetore e papunësisë në Itali dhe Greqi paraqitet sipas kësaj tabele:
Burimi: Banka Qëndrore Europiane
Analiza dhe Komentet: ODA
Sikurse mund të shikohet edhe nga grafiku, ka një lidhje të qartë midis normës së papunësisë në vendet e zhvilluara të rajonit, dhe nivelit të remitancave në Shqipëri. Kështu, në vitet 2004 – 2007, kur vendet e zhvilluara europiane patën një rritje të fuqishme ekonomike, që u shoqërua edhe me uljen e normës së papunësisë, niveli i remitancave të dërguara nga emigrantët shqiptarë ka qënë në nivelet maksimale historike. Ndërkohë në vitet 2008 – 2009, vihet re një ulje e theksuar e remitancave të emigrantëve, si pasojë e krizës globale dhe rënies ekonomike të vendeve të zhvilluara, që u shoqërua edhe me rritjen e papunësisë në këto vende. Kjo mund të jetë një tregues se emigrantët shqiptarë e kanë ndjerë në mënyrë të drejtpërdrejtë krizën ekonomike gjatë viteve të fundit.
Në afatgjatë ulja e remitancave pritet të sjellë rritje të deficitit korrent, dhe ulje të ritmit të zhvillimit ekonomik në mungesë të përmirësimit të treguesve të tjerë ekonomikë.
Komente dhe Analiza: Open Data AlbaniaKontribuoi: R.E