Si veprim abuzim me pasojë dëm konsiderohen detyrimet e papaguara të qiramarrësve, llogaritjet e gabuara të çmimit të shitjes dhe detyrime të papaguara për ujë dhe energji elektrike. Gjatë hulumtimit për periudhën 2005-2010 shënohen si faktor shkaktues të dëmit: mosderdhja e qirasë së objekteve në buxhetin e shtetit; mosarkëtimi i kësteve të privatizimit në afatin e duhur; shitja e apartamenteve në kundërshtim me legjislacionin përkatës në fuqi etj.
Burimi: Kontrolli i Lartë i Shtetit
Analiza dhe komentet: ODA
Konstatohet se dëmi në këtë fushë, për vitin 2009 përbën 43,68% të dëmit total ekonomik, me një vlerë 3 190 779 000 lekë. Ky dëm është 266.7 herë më i madh se dëmi në këtë fushë në vitin 2008 dhe 20.7 herë më i madh se dëmi ekonomik i shkaktuar në shitjen dhe qiradhënien e pasurisë shtetërore në vitin 2010. Ky dëm është shkaktuar kryesisht nga shkeljet e ligjëshmërisë nga subjektet Albpetrol sh.a Patos në vlerën 2 610 563 000 lekë dhe Ministria e Mjedisit, Pyjeve dhe Administrimit të Ujërave, Tiranë në vlerën 538 738 000 lekë.
Burimi: Kontrolli i Lartë i Shtetit
Analiza dhe komentet: ODA
Me përjashtim të vitit 2009, vlera e dëmit në fushën e shitjes/qiradhënies të pasurisë shtetërore ka vlera te ulta. Korelacioni midis dëmit ekonomik total dhe dëmit në fushën e shitjes/qiradhënies të pasurisë shtetërore është mesatar pozitiv me vlerën 0,534. Totali i dëmit në këtë fushë për periudhën 2005-2010 është 4 388 588 000 lekë. Vlera më e ulët është në vitin 2008, 11 962 000 lekë. Kjo vlerë është sa 0,3% e dëmit total për vitin 2008.
Te dhenat paraqiten te permbledhura ne trajte tabelare si me poshte:
Burimi: Kontrolli i Lartë i Shtetit
Analiza dhe komentet: ODA
Kontribuoi: Flladina Zilja