Kjo për shkak të shumës së madhe për të cilën po diskutohej, por edhe prej raportimeve të para se shumicën kësaj shume prej 1 miliardë lekë (të vjetra), ai nuk e kishte deklaruar në vitin 2013 kur la gazetarinë për tiu futur politikës.
Panorama Online kontrolloi faqen ?Open Spending Albania?, në të cilën ndodhen online të gjitha deklaratat e zyrtarëve të lartë, të depozituara në Inspektoratin e Lartë të Deklarimit dhe Kontrollit të Pasurive.
Nëse klikon në emrin Alfred Peza, rezulton se në vitin 2013, kur ka bërë deklarimin pasi mori mandatin e deputetit, ai ka pasur si kursime nga të ardhurat në vite një shumë prej 95 milion lekë ë reja, e cila në 31 dhjetor (pra 4 muaj pasi ishte bërë deputet), u rrit në 97 milion lekë.
?Të ardhura ne vlerën 2 028 807 lekë (dy milion e njëzet e tetë mijë e tetëqind e shtatë lekë) nga Interesat Bankare nga Depozitë Bankare në Lekë e bashkëshortes, në bankën Intesa San Paolo sipas maturimit në periudhën 9 shtator deri 31 dhjetor 2013. Në momentin e marrjes së detyrës nga zoti Peza, depozita ishte me vlerë 95 750 570 Lekë (nëntëdhjetë e pesë milion e shtatëqind e pesëdhjetë mijë e pesëqind e shtatëdhjetë lekë), dhe u bë në 31 dhjetor 2013 97 779 377 lekë)nëntëdhjetë e shtatë milion e shtatëqind e shtatëdhjetë e nëntëmijë e treqind e shtatëdhjetë e shtatë lekë). Burimi i Krijimit kursime të bashkëshortëve në vite plus interesa të maturuar?, thuhet në përllogaritjet që ka bërë në atë kohë ?Open Spending Albania?.