Nëse i hedhin një sy të lirë të dhënave të publikuara nga portali “Spending Data Albania”, rubrika “Para dhe Pushtet”, për vitin 2016 rezulton se Vangjush Dako kryeson për pasurinë që ai posedon. Pasuria e tij e majme starton me posedimin e një pallati, e vijon më tej me një truall, apartament, magazina. Jo vetëm kaq, por ai ka në emrin e tij edhe dy mjete të shtrenjta. Si të mos mjaftonte kjo, familja Dako ka gjithsej 10 llogari bankare. Nëse do të bënin një përllogaritje të thjeshtë matematikore, falë posedimit të kësaj pasurie, kryetari i Bashkisë së Durrësit, Vangjush Dako, rezulton një nga kryebashkiakët më të pasur në vend. Prona më e madhe që ka Dako në pronësinë e tij 100% është një pallat 11 katësh, me sipërfaqe totale 3 640 m2, në vlerën 72 000 000 lekë, që e bën automatikisht një njëri shumë të pasur. Prona tjetër e rëndësishme e Dakos është një tokë truall me sipërfaqe 1 800 m2 në vlerën 50 000 dollarë. Një tjetër pronë e kryetarit Dako që është në pronësinë e tij të plotë është një apartament me sip. 130 m2, në vlerën 40 000 dollarë.
Gjithashtu, Dako është pronar i dy magazinave. Njëra me sipërfaqe 187 m2 që është bashkë me një truall me sipërfaqe 539 m2, në vlerën 550 000 lekë. Po ashtu është pronar i një magazine tjetër me sipërfaqe 300 m2 në vlerën 500 000 lekë. Po ashtu edhe pronar i një garazhdi me sipërfaqe 100 m2, në vlerën 15 000 dollarë. Për të gjitha pronat, Dako është pronar i vetëm me 100 % te aksioneve.
Vangjush Dako deklaron se është pronar me 100% i dy automjeteve të shtrenjta, një veture tip Mercedes Benz në vlerën 25 000 euro. Gjithashtu edhe një veturë tjetër tip BMW në vlerën 700 000 lekë. Të dyja këto makina janë marka të shtrenjta dhe makina ë konsumit të lartë të karburantit. Pasuria e kryebashkiakut Dako e lejon atë të mbaj këto dy makina të shtrenjta.
Dako për vitin 2016 ka deklaruar se ka pasuri në bankë në vlerën 140 000 lekë, por dhe një llogari tjetër në vlerën 4 000 euro.
Rroga mujore
Si kryetar i Bashkisë së Durrësit, Dako merr një rrogë mujore me vlerën 1 397 528 lekë, kësaj rroge i shtohen të ardhurat si anëtar i Këshillit të Qarkut Durrës, në vlerën 140 845 lekë.
Bashkëshortja, Znj. Alba Dako, ka të ardhura nga paga si përgjegjëse laboratori në Drejtorinë Rajonale Shëndetësore, 647 737 lekë. Familja Dako ka gjithsej 10 llogari bankare më shuma të konsiderueshme në banka, por gjithashtu vihet re se Dako ka dhe një detyrim të pa paguar prej 2314 euro në një llogari bankare.
1) Gjendje llogari bankare më 31 dhjetor, 2 675 euro.
2) Gjendje llogari bankare më 31 dhjetor, 11 016 dollarë.
3) Gjendje llogari bankare më 31 dhjetor, 17 845 lekë.
4) Gjendje llogari bankare më 31 dhjetor, 381 395 lekë.
5) Gjendje llogari bankare më 31 dhjetor, 843 658 lekë.
6) Gjendje llogari bankare më 31 dhjetor, 10 818 lekë.
7) Gjendje llogari bankare më 31 dhjetor, 180 lekë.
8) Gjendje llogari bankare më 31 dhjetor, 200 euro.
9) Detyrim i papaguar kartë krediti, 2 314 lekë.
10) Djali, Xhorxhi Dako, zotërues i 35% të aksioneve të shoqërisë Artic-Group shpk, 966 000 lekë, me para marrë borxh nga xhaxhai.
11) Djali, Xhorxhi Dako, zotërues i 20% të aksioneve të shoqërisë DB Wash International, 20 000 lekë.