Burimi: INSTAT
Përpunimi dhe komentet: ODA
Eksporti i “drurit, artikujve prej druri dhe qymyri i drurit” ka ardhur në rritje të vazhdueshme nga viti në vit, duke shkuar nga 1.2 miliardë lekë në 2008-n, në 1.8 miliardë në 2012-n. Ky vit shënon edhe rritjen më të madhe krahasuar me periudhat e mëparshme, 8% më shumë sesa në 2011-n.
Ndërkohë, importet, pavarësisht se janë disa herë më të larta sesa eksportet, kanë pasur një trend rritës vetëm në vitet 2009-2010, ndërsa në 2011 kanë qëndruar thuajse në të njëjtin nivel. Në vitin 2012 ato shënojnë rënien e parë, duke zbritur nga 7.22 miliardë në 2011, në 6.7 miliardë, apo 6.8% më pak.
Burimi: INSTAT
Përpunimi dhe komentet: ODA
Për të pasur një pamje më të plotë mbi eksportin dhe importin e lëndës drusore, Open Data Albania ka marrë në analizë strukturën e tyre për vitin 2012. Vlerën më të madhe, rreth 50%, e zë eksporti i “drurit si lëndë djegëse” me 612 milionë lekë, i ndjekur nga “lëndë drusore e sharruar” me 211 milionë lekë dhe “skelete druri për piktura” me 199 milionë lekë. Të tre këta zëra përbëjnë rreth 84% të vlerës së eksporteve për vitin 2012.
Burimi: Drejtoria e Përgjithshme e Doganave dhe INSTAT
Përpunimi dhe komentet: ODA
Në importe, peshën kryesore e zënë “pllaka zdrukthi” me 1.9 miliardë lekë dhe “panele fibrash prej druri” me 1.88 miliardë lekë. Secili prej tyre zë përkatësisht 33.3% dhe 32.7% të lëndës drusore të importuar për vitin 2012. Ndërsa zëri i tretë më shumë i importuar është “lënda drusore e sharruar” me 1.46 miliardë lekë apo 25.4%.
Burimi: Drejtoria e Përgjithshme e Doganave dhe INSTAT
Përpunimi dhe komentet: ODA