Burimi:INSTAT
Përpunimi dhe komentet: ODA
Burimi:INSTAT
Përpunimi dhe komentet: ODA
Burimi:INSTAT
Përpunimi dhe komentet: ODA
Në fund të vitit 2013, pesha e eksporteve kundrejt importeve shënoi
vlerën më të madhe, 48%, duke konfirmuar kështu një rikuperim të
industrisë vendase dhe eksporteve të saj drejt tregjeve të huaja.
Burimi:INSTAT
Përpunimi dhe komentet: ODA
Duke analizuar të dhënat mbi grupmallrat me peshë më të madhe në eksporte rezulton se dy janë grupmallrat kryesore, që udhëhoqën këtë rritje, minerale, lëndë djegëse, energji dhe tekstile e këpucë. Grupmalli i tretë i rëndësishëm, ai i materialeve të ndërtimit dhe metaleve shënoi rënie me bazë vjetore. Eksportet e mineraleve lëndëve djegëse dhe energjisë, u rritën 30.5% në vitin 2013 kundrejt vitit 2012, duke shënuar rreth 100 miliardë lekë. Shkaku kryesor që po rrit eksportet e këtij grupmalli është eksporti I naftës nga kompania kanadeze Bankers Petroleum.
Në fund të 2013, “mineralet, lëndët djegëse dhe energjia” përbëjnë 40% të totalit të eksporteve duke shtuar kështu më shumë dominimin prej tyre të eksporteve vendase.
Sektori i tekstileve e këpucëve ka shënuar gjithashtu rritje në 2013. Eksportet e këtij grupmalli arritën në rreth 70 miliardë lekë në fund të 2013-s, me një rritje vjetore prej 11.7% duke u rikuperuar kështu nga periudha e vështirë e krizës , që çoi në rënien e porosive nga tregjet europiane. Pesha e këtij grupi në totalin e eksporteve ishte 28% në fund të vitit 2013. Materialet e ndërtimit e metaleve kanë shënuar rënie duke u tkurrur 10% me bazë vjetore. Në fund të vitit 2013 ato arritën në 36 miliardë lekë.
Eksporte e grupmallrave të tjera (që zënë së bashku rreth 17% të totalit) shënuan ecuri pozitive në 2013, me zgjerim vjetore 20%, të udhëhequra nga shitjet e mira të “prodhimeve të drurit dhe letrës” dhe “Ushqimeve, pijeve dhe duhanit”, por gjithsesi ato mbeten të ulëta në raport me eksportet në total.