Koncesioni për parkingjet në qytetin e Vlorës është plotësisht në kundërshtim me intersat dhe vullnetin e qytetarëve të Vlorës. Kështu është shprehur sot Prefektja e Qarkut të Vlorës, Eljona Hoxha. Sipas saj vendimi i koncensionit, është miratuar për procedurë jo për përmbajtje.
Hoxha deklaron se Sekretarit të Përgjithshëm të Prefekturës i është kërkuar dorëheqja për firmosjen e ligjshmërisë së koncensionit. Prefektja bën me dije se kanë nisur konsultimet e nevojshme me instancat më të larta juridike për të rishikuar apo revokuar kontratën koncensionare.