Kapitali Aksionar i Shoqërive Tregtare të llojit SHA me aksioner një Institucion Publik ekstrakte QKR, 31 Dhjetor 2015

Open Data Albania po hulumton lidhur me kapitalin themeltar të shoqërive me aksioner të vetëm apo mazhoritar një institucione publike (shtetërore). Të dhënat për hulumtim janë marrë në ekstraktet historike të 120 Shoqërive Aksionare SHA, pasqyruar në databazën e Qendrës Kombëtare të Regjistrimit QKR.
Më 31 Dhjetor 2015 njëqind e njëzetë shoqëritë aksionare të marra në shqyrtim, shënojnë një vlerë kapitali në total prej 161.6 miliardë lekë ose 1.2 miliardë euro. Një vit më parë të njëjtat shoqëri kanë pasur një kapital në total prej 89.1 miliardë lekë ose 649 milionë euro. Pra, në harkun kohor prej një viti, 120 SHA me aksionar të vetëm apo mazhoritar një institucion publik, kanë shënuar një rritje kapitali prej 72.5 miliard, vlerë rritje kapitali prej 81%.

^{Burimi: Qendra Kombëtare e Regjistrimit (QKR)
Komentet dhe analiza: ODA}

Sipas hulumtimit rezulton se Shoqëritë Tregtare SHA me kapital mbi 500 milionë lekë janë njëzetë e tetë dhe zotërojnë në total, në vitin 2015 një kapital prej 152 miliardë lekë ose 1.1 miliardë euro.

^{Burimi: Qendra Kombëtare e Regjistrimit (QKR)
Komentet dhe analiza: ODA}

Kapitalin më të lartë e shënon Hekurudha Shqiptare me 52.4 miliardë lekë ose 382 milionë euro. Kjo shoqëri është themeluar në vitin 2000 me seli qendrore në Durrës dhe ortaku i saj i vetëm është Ministria e Zhvillimit Ekonomik, Turizmit, Tregtisë dhe Sipërmarrjes.

^{Burimi: Qendra Kombëtare e Regjistrimit (QKR)
Komentet dhe analiza: ODA}