Vendet kryesore ku u eksportua nafta bruto këtë vit ishin Gjermania, Italia, Malta, Spanja, Britania e Madhe dhe Franca. Këto dy të fundit iu shtuan destinacioneve të eksporteve tona për herë të parë vitin 2013. Peshë kryesore kishin sasitë e eksportuara në Itali me 33% të totalit, në Spanjë me 32% dhe në Maltë me 23%. Britania e Madhe ishte vendi që bleu më shtrenjtë nga vendi ynë naftë bruto, ndërsa Italia ajo që e bleu më lirë.
Burimi: International Trade Centre
Komente dhe Analiza: Open Data Albania
Burimi: International Trade Centre
Komente dhe Analiza: Open Data Albania
Por duke filluar nga viti 2009 në Spanjë dhe nga viti 2010 në Maltë, eksportet drejt këtyre vendeve kanë shënuar rritje. Po ashtu, tre vitet e fundit kanë filluar eksportet drejt Gjermanisë, e cila është ndër importueset më të mëdha të naftës në botë. Sasitë e eksportuara në vendet e tjera janë të vogla dhe në periudha 1-2 vjeçare.
Eksporti i naftës bruto sipas destinacioneve 2001-2013 (000 Lek)
Burimi: International Trade Centre
Komente dhe Analiza: Open Data Albania
Eksporti i naftës bruto sipas destinacioneve 2001-2013 (Ton)
Burimi: International Trade Centre
Komente dhe Analiza: Open Data Albania
Çmimi mesatar vjetor i shitjes së naftës bruto në eksport ka qenë i paqëndrueshëm përgjatë viteve 2005-2011, ndërsa në dy vitet e fundit ky çmim shfaqet më stabël. Çmimi mesatar vjetor më i lartë i shitjes në eksport u shënua në vitin 2013, ku një ton naftë bruto u shit për 55 490 lek, ndërsa çmimi më i ulët u shënua në vitin 2006, ku një ton naftë bruto u shit për vetëm 22 730 lek.
Në përgjithësi, çmimi mesatar vjetor i shitjes së naftës bruto në eksport nuk ka pasur diferencime mes vendeve. Por ajo që bie në sy është fakti që në vende si Irlanda, Polonia, Turqia ku ne kemi tregtuar sasi të vogla nafte bruto, në një apo dy vite, çmimi i shitjes në këto vende është pothuaj dyfish sa çmimi mesatar vjetor në eksport të atij viti.
Burimi: International Trade Centre
Komente dhe Analiza: Open Data Albania
Ndër vendet e rajonit, vetëm Serbia ka eksportuar naftë bruto për vitin 2013. Në ketë vit, një ton naftë bruto e Serbisë u eksportua me një çmim mesatar prej 94 180 Lek, çmim ky pothuajse sa dyfishi i çmimit mesatar në eksport për vitin 2013 të vendit tonë.
Çmimi mesatar i shitjes në eksport i naftës bruto sipas destinacionit 2001-2013
Burimi: International Trade Centre
Komente dhe Analiza: Open Data Albania