Bazuar në hulumtimin e bërë, rezulton se rreth 438 SHA ose rreth 51% subjekteve SHA, kanë realizuar të paktën një herë rritje ose zvogëlim kapitali. Rritja apo Zvogëlimi i kapitalit është procesi i shtimit apo paksimit të vlerave të kapitalit aksionarë si pasojë e injektimit të kapitalit të ri; rivlerësismit apo efekteve rritëse dhe pakësuese në aktive të një shoqërie biznesi. Nga data e themelimit deri në qershor 2014 janë 420 Shoqëritë Aksionare që kanë rritur kapitalin të paktën një herë. Vlerë totale e kapitalit të rritur nga themelimi deri në datën e marrë në shqyrtim është 3.3 miliardë Euro.
Zvogëlim kapitali të paktën një herë kanë realizuar 100 shoqëri aksionare që veprojnë në vend. Vlera e zvogëluar e kapitalit për këto 100 SHA nga themelimi deri në qershor 2014 është 636 milionë Euro. Një pjesë e konsiderueshme e rritjeve të kapitalit ka të bëjë me rivlerësimin e aseteve nga SHA-të ndër vite dhe jo nga injektimi i kapitalit të ri nga aksionarët në këto kompani. Nga subjektet që kanë realizuar rritje apo zvogëlim kapitali, 338 SHA kanë bërë vetëm rritje kapitali; 18 SHA kanë realizuar vetëm zvogëlim kapitali. Ndërsa 82 SHA kanë realizuar nga themelimi e deri në datën nën analizë të paktën një rast rritje dhe një rast zvogëlim kapitali.
Burimi i të Dhënave: Qendra Kombëtare e Regjistrimit
Komenti dhe Analiza: Open Data Albania
Numrin më të lartë të proceseve rritje kapitali e gjejmë tek një SHA e cila nga themelimi i saj i është nënshtruar rritjes së kapitalit me 19 raste. Në nivel makro kemi një rritje neto të kapitalit të SHA-ve në vend prej 2.69 miliardë euro. Vlerën totale të kapitalit të SHA-ve që operojnë në Shqipëri (qershor 2014), e cila përllogaritet në 2.88 miliardë Euro. Vlerësimi i të gjitha vlerave monetare të rritjes së kapitalit në këtë hulumtim është bërë standard me kursin e këmbimit të datës 30 qershor 2014, pavarësisht kohës kur është bërë rritja e kapitalit. Nëse do të përdoret deflatori i inflacionit kjo vlerë mund të jetë pak më e ulët.
Burimi i të Dhënave: Qendra Kombëtare e Regjistrimit
Komenti dhe Analiza: Open Data Albania
SHA-të që kanë realizuar Rritje Kapitali (1993-2014)
Kursi i këmbimit në datën 30.06.2014: 1 EUR = 140.26 (Burimi: Banka e Shqipërisë)
Burimi i të Dhënave: Qendra Kombëtare e Regjistrimit
Komenti dhe Analiza: Open Data Albania
Shoqëritë aksionare kanë realizuar gjithsej 160 zvogëlime të kapitalit aksionar. Zvogëlimet e kapitalit kanë një frekuencë më të vogël duke filluar që nga kompani që e kanë zvogëluar kapitalin e tyre vetëm 1 raste (janë 70 SHA ose rreth 43.8% e subjekteve që kanë zvogëluar kapital) deri në kompani që e kanë zvogëluar 8 raste.
Burimi i të Dhënave: Qendra Kombëtare e Regjistrimit
Komenti dhe Analiza: Open Data Albania
SHA-të që kanë realizuar Zvogëlim Kapitali (1993-2014)
Kursi i këmbimit në datën 30.06.2014: 1 EUR = 140.26 (Burimi: Banka e Shqipërisë)
Burimi i të Dhënave: Qendra Kombëtare e Regjistrimit
Komenti dhe Analiza: Open Data Albania
Shoqëritë aksionare që kanë një numër të lartë të zvogëlimit të kapitalit janë kryesisht SHA me kapital shtetëror, çka ndodh për shkak të ristrukturimeve që u bëhen këtyre institucioneve. Kështu nga 8 SHA që kanë pësuar një zvogëlim kapitali me mbi 4 raste, 6 prej tyre janë shoqëri me kapital shtetëror, si psh: Korporata Elektorenergjitike Shqiptare, Albpetrol, ARMO, Hekurudha Shqiptare, Albafilm, Albtelecom etj.