Open Data Albania po hulumton lidhur me koston e punës në shoqëri me aksionar institucione shtetërore. Kostot e punës përfshijnë vlera për pagesat për punonjësit, pagat bruto, kontributet për sigurimet shoqërore që paguan punëdhënësi, kostot e trajnimit profesional, shpenzime e rekrutimit dhe ato për veshje, strehim apo taksa të tjera të punësimit.
Nga njëqind e njëzetë shoqëri tregtare marrë në hulumtim të reklamuar në databazën e QKR ka informacion vetëm për gjashtëdhjetë e tetë prej tyre.
Në vitet 2012-2014 rezulton me kosto pune më të lartë shoqëria ALBCONTROL. Në vitin 2014 kësaj shoqërie burimet njerëzore i kanë kushtuar 1.2 miliardë lekë. Një tjetër shoqëri me kosto të punës mbi 1 miliardë lekë është edhe Korporata Elektroenergjitike Shqiptare SHA KESH.
Burimi: Qendra Kombëtare e Regjistrimit (QKR)
Komentet dhe analiza: ODA
Kosto e Punës së Shoqërive me kapital aksionar të një Institucioni Publik, 2012-2014
Burimi: Qendra Kombëtare e Regjistrimit (QKR)
Komentet dhe analiza: ODA
Mbulimi i Kostove të Punës përmes Xhiros Vjetore të Shoqërive, është një element që tregon se sa kompanitë aksionare të një institucioni publik, arrijnë të mbulojnë vetë këtë kategori shpenzimi (kostoje). Për të analizuar këtë aspekt është përllogaritur mbulimi në përqindje i kostos së punës nga xhiroja vjetore e kompanisë. Kompania me treguesin më pozitiv është NDERKOMUNALE BUSHA, një shoqëri e vogël me vlerë të kostove të punës prej 855 mijë lekë dhe xhiro vjetore prej 24 milionë lekë.
Mbulimi i Kostos së Punës nga Xhiroja Vjetore (në përqindje), SHA me aksionar një Institucion Publik 2014
Burimi: Qendra Kombëtare e Regjistrimit (QKR)
Komentet dhe analiza: ODA
Shoqëri të cilat kanë deklaruar një xhiro prej 0 lekë, ose thënë ndryshe që financohen totalisht nga fonde publike pasi nuk arrijnë t’i mbulojnë vetë kostot e tyre të punës janë
ALBMINIERA SHA,
BURSA E Tiranës SHA; dhe
KRWM SHA.
Kompani të cilat kanë një xhiro më të vogël se kosto e punës ose ndryshe që arrijnë të mbulojnë vetëm një pjesë të këtyre kostove, për vitin 2014 janë tetëmbëdhjetë, 14 prej të cilave kanë një mbulim mbi 50%. Të dhëna të detajuara për kapitalin, aksionarët, xhiron vjetore, fitimin përpara tatimit dhe administratorët e shoqërive aksionare janë të publikuara për secilën SHA tek databaza e mirëstrukturuar Open Corporates Albania.
Kontribuoi: Griselda Rruci
Open Data Albania po hulumton mbi Stokun e Borxhit Publik për vitin 2025 dhe Koston e tij, duke përfshirë nivelin e borxhit dhe kostos për frymë. Të dhënat për këtë studim janë marrë nga Ministria e Financave, treguesit e Kuadrit Makroekonomik e Fiskal 2025-2027, të rishikuar në qershor të këtij…
Open Data Albania po hulumton mbi perfomacën financiare të bankave të nivelit të dytë për vitin 2023. Të dhënat janë marrë nga bilancet e audituara që subjektet financiare banka depozitojnë pranë Qendrës Kombëtare të Biznesit (QKB). Aktualisht në Shqipëri operojnë 11 Banka të Nivelit të Dytë, prej të cilave 5…
Open Data Albania po publikon të dhëna mbi shpenzime nga Buxheti i Shtetit për Kontrata Koncesionare apo Partneritetet Publik Privat PPP te realizua dhe planifikuara në harkun kohor 2015-2025 dhjetëvjeçari. Për vitet 2015 - 23 vlerat e prezantuara janë realizim, Viti 2024 dhe 2025 janë planifikim dhe buxhet i miratuar.…
